Ráðgeving
Fosturforeldur kunnu altíð seta seg í samband við fosturforeldrafelagið um tey hava tørv á ráðgeving ella bara onkrum at tosa við. Onki er ov stórt ella ov smátt og, vit vilja gera okkara besta fyri at hjálpa.
Til ber at senda teldupost til fosturforeldrafelagid@gmail.com
Hvønn hósdag millum 18.00 – 20.00 ber til at ringja til okkara á tlf 210345
Okkara ráðgeving gevur fosturforeldrum møguleika at tosa ella skriva saman við onkrum, sum kennir til tað at vera fosturforeldur, og tí skilir avbjóðingarnar, sum kunnu vera.
Stuðla okkara arbeiði
Fleiri vit eru, meir kunnu vit gera!
Hevur tú børn til fosturs ella umlætting kanst tú tekna teg sum lim við at trýsta her.
Tað ber eisini til hjá tykkum, sum ikki hava børn til fosturs ella umlætting, at stuðla arbeiði okkara við at trýsta her
Vit eru sera takksom fyri allan stuðul, ið ger stóran mun í arbeiðinum at tryggja fosturforeldrum og børnum, sum koma til fosturs, best hugsandi umstøður.
UM OKKUM
Fosturforeldrafelagið er áhugafelag fyri fosturforeldur. Tað verður borið av sjálvbodnum arbeiði, og øll í nevndini eru fosturforeldur við drúgvum royndum. Vit hava tí vitan og gott innlit í, hvat er best fyri fosturforeldur, og fyri børn, sum eru sett heiman.
Upppgávan hjá fosturforeldrafelagnumer ógvuliga fjøllbroytt og fevnir um alt frá at samskifta og ávirka politisku myndugleikarnar til at skipa fyri upplýsandi tiltøkum, ráðgeva og at varpa ljós á umstøður hjá fosturforeldrum og hjá børnum, sum eru sett heiman